MIFOHAZA RY MALAGASY! MITSANGANA RY TANORA !!!RAISO NY ANDRAIKITRAO,ISIKA VAHOAKA NO TOMPON’NY TENY FARANY,ISIKA VAHOAKA NO TOMPON-TSAFIDY , ISIKA VAHOAKA NO TOMPOM-PAHEFANA KOA AOKA ISIKA HIRAY HINA KA TSY HANAIKY NY FANDEMEN-TSAINA SY NY ZARAZARAO ANJAKANA IZAY POLITIKA MALOTON’NY MPANJANAKA FAHINY ARY MBOLA MITADY NY HEVI-DRATSY REHETRA HANOHIZANA IZANY TETI-DRATSIM-PANJANAHANA IZANY ANKEHITRINY AMIN’NY ALALAN’IREO MPIKARAMA AN’ADIM-POLITIKA IZAY MANORINA NY FITONDRANA SANDOKA EO AMBONY BASY SY FONJA ARY FAMPIHOROHOROANA.
AOKA ISIKA TSY HO VOAREBIREBIN’IREO MPIVARO-TENA ARA-POLITIKA SY MPAMADIKA ARY MPIVAROTRA TANINDRAZANA ANKEHITRINY !!!
TADIDIO FA MATOA MBOLA MAHAZO LAKA ETO AMIN’NY FIRENENA MALAGASY ILAY FIRENENA MPANJANAKA FAHINY, ARY MBOLA MANOHY MANJANAKA ANKEHITRINY DIA NOHO NY FISIAN’IREO MALAGASY TIA TENA SY TIA KELY ARY MPAMADIKA TANINDRAZANA.
MIFOHAZA RY MALAGASY TOMPON’ANDRAIKITRA !!! IZAO NO ANDRO SADY ORA TOKONY HANEHOANA NY MAHA MALAGASY TIA TANINDRAZANA ANAO!!!
AZA ATAO TOY NY VAIN-DRAHALAHY TSY MAHARARY NY FAHORIANA SY FAHANTRANA ARY HIRIFIRY MAHAZO NY MPIRAY TANINDRAZANA AMINAO ANKEHITRINY !!!
AZA VARIMBARIAN’NY LAVITRA ISIKA SAO TSY MAHITA NY AMBANY MASO, TSY MAHITA NY ZAVA-DOZA MANJO NY FIRENENA SY NY VAHOAKA MALAGASY ANKEHITRINY.
NY FIRAISAN-KINANTSIKA MALAGASY NO VAHAOLANA MAHOMBY INDRINDRA HAHAFAHANA MAMAHA NY OLANA GOAVANA SY KRIZY LALIM-PAKA MAHAZO AN’I MADAGASIKARA ANKEHITRINY, FIHATSARAM-BELA-TSIHY SY FITADIAVANA TOMBOTSOA MANOKANA FOTSINY NY AN’IREO FIRENENA-KAFA MILAZA AZY FA HITONDRA VAHAOLANA ANKEHITRINY.
MIFOHAZA ARY RY MALAGASY,MITSANGANA RY TANORA !ADIDITSIKA REHETRA NY MANARINA SY MANAVOTRA AN’I MADAGASIKARA INDRAY.
Rakotondranaivo A.
Aucun commentaire:
Enregistrer un commentaire