Jean Constant Raveloson: "Fifidianana sa fandrobàna safidim-baoaka?"

 Ireo heloka 10 nanota fady an’ilay Andininy faha-15

Na:

Nahoana no tsy azo ankinina amin-dRajoelina intsony ny prezidansan’ny tetezamita raha ny Tondrozotra fototry ny tetezamita (lalàna 2011-014 t@ 28/12/11).

Fadian’ny Prezidàn’ny tetezamita tanteraka ny mitanila na miandany na manao tombo sy hala INDRINDRA INDRINDRA MIKASIKA NY FIFIDIANANA hoy ilay and.faha-15.

Rajoelina kosa:

• 1-      Mampiasa ny fitsaràna ho famelezana amin’ny politika (Tsy menatra nilaza tany Dar ès-Salaam fa afaka mampijanona ny fanenjehana raha manaiky tsy hirotsaka ny Prezidà Ravalomanana,mandrirarira ny Amnisitia,tsy mamoaka ny gadra politika).

• 2-      Misoloky ho tompon’ny fahefàna feno ary tompon’ny fitondràna ny fifidianana (invité du zoma)

• 3-      Mandidindindy sady mandrahona momba ny fifidianana ary mandrangaranga korontana rehefa tsy manaraka ny sitrapony ny CENI-T.

• 4-      Manoso-potaka sy manala baraka an’izay mikasa hanao kandidà tsy miaraka aminy.

• 5-      Manome toky hanendry kandidà ary efa mampiseho vahoaka an’izay mety hatao kandidàn’ny prezidàn’ny tetezamita.

• 6-      Mitavana vola sy fitaovam-panjakàna sy harem-pirenena ary manararaotra ny fahefàm-panjakàna avy amin’ny tondrozotra hankalazàna ny tenany sy hanaratsiana ny hafa.(prôpagandy)

• 7-      Manampatra sy manao ampihimamba amin’ny Radio sy televizionam-pirenena,manao an’ireo 1 hatramin’ny 6 ireo miaraka amin’ny mpitondra tenin’ny prezidansa.

• 8-      Mandidindindy sy manapepo ny hainoamanjery sy mpanao gazety ary tsy manaiky hanokatra ny radio nakatony hatramin’izao.

• 9-      Lalàm-panorenena natao am-boletra amin’izay metimety aminy tamin’ny 2010 ihany no hananganana fanjakàna hifehy atsika amin’ny fifidianana.

• 10-      Mamorona fepetra hisakanana ny Prezidà Marc Ravalomanana tsy hody alohan’ny fifidianana (mandika ny and. Faha-16 sy and. Faha-20)

1

Impolo (10) nohosen-dRajoelina ny lalàna nolanianay Parlemantera CT sy CST niaraka tamin’ireo ankolafiny hampivoaka antsika amin’ny krizy.Voahosy ny hasin’ny Fahefàna Mpanao Lalàna sy ny Fianakaviambe iraisam-pirenena izay Mankato sy manohana ny Tondrozotra.

Ka tsaraonareo ry Vahoaka. Tetezamita fandrobàna ny safidinao ve sa Tetezamita ho amin’ny Demokrasia? Hatao ahoana ny fahefàn-dRajoelina?

27 feb.13

J. Constant RAVELOSON

MCT, Président commission juridique et législation