Izaho Dr Robinson Jean-Louis dia manao velirano fa...

VELIRANO 1

Tsy zarizary ny fanabeazana ny zaza malagasy. Tandindonin-doza ny ho avin’ny tanora. Vitsy ny tafiditra an-tsekoly. Vitsy tahaka izany koa ny mpampianatra amin'ny ambaratonga rehetra. Sahozanina ny fampianarana eto Madagasikara.

Izaho Dr Robinson Jean-Louis dia manao velirano fa hijery akaiky ity FANABEAZANA ity

-Tsy andoavam-bola ny fanabeazana fototra
- Hanatsara ny karama no sady hanofana ireo mpampianatra
- Hanorina sekoly hampidirana ireo zanatsika mirenireny
- Hanamaivana ny fahasahiranan’ny ray aman-dreny amin’ny fanomezana kit scolaire sy famerenana indray ny cantine scolaire haingana araka izay azo atao



VELIRANO faha-2

Tokony handray anjara mavitrika ao amin’ny fiainam-pirenena ny Tanora

Izaho Dr Dr Robinson Jean-Louis dia manao velirano fa hijery akaiky ny fomba rehetra hananan'ny Tanora toerana manan-danja eo amin’ny fampandrosoana ny Firenena.

- Hanangana sekoly fianaran’asa mifanandrify amin'ny izay takian’ny Faritra tsirairay mamokatra.
- Hanangana toeram-pibeazana ara-panatanjahan-tena avo lenta.
- Hanampy ireo mpanakanto sy mpana-talenta hahay hivarotra ireo zavatra vokariny



VELIRANO faha-3

Mitombo izay tsy izy ny fahantrana satria maro no very asa ny olona

Izaho Dr Dr Robinson Jean-Louis dia manao velirano fa :

- hamerina ireo fotodrafitrasa lehibe toy ny fananganana sekoly, hopitaly, fanamboaran-dalana…, miteraka asa tsara karama sady mampivoatra an’i Madagasikara.
- hanangana banky fampandrosoana raha mety sy ilaina ny hanaovana izany.


VELIRANO faha – 4

MARO DIA MARO NY KILEMAINA SY SEMBANA ETO AMINTSIKA

Izaho Dr Dr Robinson Jean-Louis dia manao velireno fa:

- hanao sonia ny fifanarahana iraisam-pirenena momba ny sembana sy ny kilemaina
- hanao izay ahazoan’izy ireo ny toerana sahaza azy na eo amin'ny seha-pampianarana na eo amin'ny seha-pamokarana
-hampanjaka ny fitovian-jo araka izay azo atao.



VELIRANO faha – 5

Ho fampiroboroboana ny fambolena sy ny fiompiana eto Madagasikara.

Izaho Dr Dr Robinson Jean-Louis dia manao velirano fa HANANGANA RAFITRA MANOKANA hijery akaiky ny fampiroboroboana ny fambolena sy fiompiana eto Madagasikara

VELIRANO faha – 6

Miovaova ny toetr’andro; maro ny olana amin'ny fananan-tany; mitombo tsy an-kiato ny filàna angovo; ao koa ny fitantanana ny harena voa-janahary… .

Izaho Dr Dr Robinson Jean-Louis dia manao velirano fa hametraka fepetra tsotra 05 amin'izay fifanarahana amin'ny any ivelany:

- Tsy tombontsoan’olombitsy no jerena;
- Manamora ny fidiran’ny zaza malagasy an-tsekoly;
- Manamora ny ahazoan’ny Malagasy fahasalamana:
- Manamora ny ahazoan’ny Malagasy asa ivelomana
- Ary indrindra tsy manohintohina ny FIANDRIANAM-PIRENENA


VELIRANO faha – 7

Isan’ny tena mampimenomenona ny olona ny fitantanana ny raharaham-panjakana ary apetrany mihitsy ho fototry ny krizy hatramin’izay nahazoana ny fahaleovantena izay.

Izaho Dr Dr Robinson Jean-Louis dia manao velirano fa

- hijery akaiky ny momba ireo mpiasam-panjakana: ny toerana tony hisy ny tsirairay araka ny fari-pahaizana ananany; ny hamerenana ny hasin’ireo « inspecteurs » na eo amin'ny ladoany, na ny « tahirimbola, na ny fampianarana na ny fahasalamana.
-hanao vain-dohan-draharaha ny fampitaovana informatika ny sampan ’asa rehetra.


VELIRANO faha – 8

Sehatra telo no tena malaza fa anjakan’ny kolikoly: ny fitsarana; ny zandarmaria ary ny vondrom-bahoaka itsinjaram-pahefana.

Izaho Dr Dr Robinson Jean-Louis dia manao velirano fa:

- hijery akaiky ny fomba rehetra hananana fitsarana madio eken’ny vahoaka;
- hamerina ny toerana sy hasin’ny zandarmaria mpanompon’ny tanindrazana
- hametraka mpitantana ny faritra itokisan’ny vahoaka.

VELIRANO faha – 9

Tsy dia mbola azon’ny mpiara-monina tsara ny mombamomba ity fiaraha-monim-pirenena ity.

Izaho Dr Dr Robinson Jean-Louis dia manao velirano fa

- hihaino ny feon’ny fiaraha-monim-pirenena ho toy ny feom-bahoaka te hanatsara ny fiaianan’ny rehetra;
- handary azy ho toy ny mpiray ombon’antoka amin’ny fanatsarana ny fiainam-bahoaka sy ny ny fitantanana ny raharaham-panjakana


VELIRANO faha – 10

Tena mbola lavitr’ezaka ny miralenta eto Madagasikara.

Izaho Dr Dr Robinson Jean-Louis dia manao velirano fa

- tsy hanao an-kilabao ny vehivavy malagasy
- hamporisika azy ireo hianatra ahazoany mandray anjara amin'ny sehatra rehetra ao amin'ny ny fiaraha-monina, indrindra amin'ireny toerana sy andraikitra tazonina amin'ny alalan’ny fifidianana.


Fehiny

Maro ny lesona azo tsoahina amin’ireto velirano ireto
- Mahalala ny mianjady amin’ny Malagasy i Dokotera
- Manana ny saina sy ny fahendrena hanasitranana izany koa
- Vonona hisedra ny mafy rehetra matoa SAHY manao VELIRANO

http://robinson2013.mg/