Antson'ny Filoha Marc Ravalomanana: "Tsy maintsy ho tafaverintsika ny hasin'ny firenena !"

Nizara ny hafaliany tamin’ny vahoaka teo amin’ny kianjan’ny finoana ny Filoha Ravalomanana tamin’ny antsony androany. 

Nanamabara ny havononany tokoa izy hampiasa ampanetre-tena ny talenta izay ananany sy anirahin’ny Tompo azy, hanasoa ny mpiara-belona aminy amin’izany antso voarainy eo anivon’ny fiangonana. 

Naneho fankasitrahana an’Andriamanitra ihany koa izy naneho ny heriny manoloana ny sakana isan-karazany tao anatin’ny fifidianana.Manoloana ny antso izay voarainy ihany koa dia nangataka fifonana teo anatrehan’Andriamanitra amin’izay mety ho fahadisoany.

Nanome toky ny vahoaka izy fa ho fifidianana malalaka no hanjaka : Andriamanitra no miasa ahatanteraka izany hoy izy.

Rehefa izany dia nitatitra ny fandalovan’ny tompon’andraikitry ny raharaham-bahinin’ny vondrona eropeana tao Prétoria izy. Nambarany ny zava-misy fa misy ny fifaninana eo amin’ny samy firenena afrikana ka ny fanampiana izay tokony ho antsika malagasy dia lasan’izay mila izany koa raha toa ka mbola mihitatra ny tetezamita tsy ahazoana fankatoavana.

Koa miantso ny finiavana politika rehetra izy hieritreritra izay hahasoa ny firenena.Vahoaka liana fandrosoana hoy izy ny malagasy ary izy dia vonona hatrany amin’ny fiaraha-miasa ahahasoa ny firenena.

Tsy maintsy ho tafaverina hoy izy ny hasian’ny firenena, ny asan’ny malagasy very ary ny fahafahan’ny zaza malagasy hianatra.

ARAHO SY HENOY ETO NY ANTSO SY VAOVAO


http://www.tim-madagascar.org/