Iza moa ny kandidà Docteur Jean Louis ROBINSON ?

VOAVOLAVOLA TETO MADAGASIKARA


- Teraka tao Ampasikely

- Nianatra tao amin’ny ESCA-Antanimena ary nahazo ny Bakalorea (Sciences expérimentales) ny taona 1970

- Nivoaka ho dokotera teny amin’ny Oniversiten’Antananarivo ny taona 1980

- Nanao ny asa maha-mpitsabo tamina sehatra avo maro be

- Efa filohan’ny Filankevitra Nasionalin’ny Holafitry ny Mpitsabo (ONM) ihany koa ary Filoham-boninahitra ankehitriny.

NIASA HATRANY HO AN’NY FIRENENA MALAGASY


- Mpanolon-tsaina manokan’ny Praiminisitra Jacques Sylla

- Solombavambahoaka voafidy tao amin’ny Faritra Alaotra-Mangoro

- Minisitry ny Fahasalamana, ny Fandrindram-piterahana ary ny Fiarovana ara-tsosialy tao amin’ny fitondrana RAVALOMANANA

- Minisitry ny Tanora, ny Fanatanjahantena ary ny Kolontsaina tao amin’ny fitondrana RAVALOMANANA ihany.


ISAN’NY FANATSARANA NENTINY AMIN’NY MAHA-MPITSABO AZY


- Nanana andraikitra lehibe tamin’ny sahan’asa mampihena ny taham-pahafatesan’ny zaza am-bohoka

- Mpitarika fototra tamin’ny fametrahana ho raikitra ny hetsika « Herinandron’ny fahasalaman’ny reny sy ny zaza »

- Nametraka ny « Fandrindram-piterahana » tsy andoavam-bola teto Madagasikara

- Namaritra ny paik’ady isian’ny fandidiana ara-piterahana (césariennes) sy fitsaboana nyzaza tsy andoavam-bola tao DIANA sy SAVA ary faritra hafa teto Madagasikara

- Tompon-kevitra sady Prezidan’ny fifaninana “aggregation de medicine humaine” voalohany natao teto Madagasikara.


MANAJA FATRATRA NY HASIN’ NY FIANAKAVIANA

Aza hadinoina fa i Dr Jean Louis ROBINSON dia:

- Olona tena akaiky ny Filoha RAVALOMANANA ka izany indrindra no nanekeny hanohanana azy amin’ny fifidianana rehafa nailiky ny mpitondra ny Tetezamita ny firotsahan’I Neny. Lesona ho an’ireto tsy mataho-tody ireto izao fiandanian’I Dada amin’I Dr Jean Louis ROBINSON satria tena endriky ny FIHAVANANA MARIM-POTOTRA TSY AZO OZONGOZONINA NA ARODANA

- Mandala ny soatoavina fototra dia ny FAHAMARINANA izany. Sarotra ho an’ny TSY MATAHO-TODY ny MITANDRINA ny FAHAMARINANA, indrindra raha ny tsy firaharahana ny HASINA MAHA-OLONA no mibaiko ny fitondran-tenany. Mora ho an’ny DOKOTERA tahaka an-dr’i Jean Louis ROBINSON ny manao ny MARINA.

- Raha atambatra ireo roa voalaza etsy ambony ireo dia miteraka zava-dehibe iray: SAROTRA ho an'i Dr Jean Louis ROBINSON ny manao FAMPANANTENANA poak’aty: REHEFA MITENY IZY hoe HATAOKO HO ANAREO ITY dia TANTERAHINY satria FANTANY sady ITOKISANY fa HO VITANY.


TELO ny hevi-dehibe mibaiko ny fijoroany:

- FANANTENANA

- TOMBONTSOA IOMBONANA

- FIHAVANANA

Loharanom-baovao: http://robinson2013.mg/