Fampihavanam-pirenen-dRajao: "Malok'ila"

Na nahay nihatsara vela-tsihy sy nampandry adrisa nandritra ny fotoana vitsy mba hampatoriana ny vahoaka aza ingahy Rajaonarimampianina dia nilatsaka tanteraka ny saro-tavany ankehitriny.Nanambara ity farany fa "Tsy maintsy miatrika fitsarana aloha i Ravalomanana".Mazava tanteraka ho an'ireo mora norebirebena sy nanaiky nofitahina hatrany amboalohany amin'izay angamba izao fa "Fangalana an-keriny" sy "Fanagadràna" ary "Fanaovana takalon'aina politika" no tena mahazo ny Filoha Marc Ravalomanana ankehitriny. Mazava tanteraka fa misy manao mpitari-bato vilam-bava ka tsy vonona mihitsy hiroso velively amin'izany "Fampihavanam-pirenena" izany eto.

Taratasy misokatra ho an'ny FFKM

Efa-taona izao no latsaka an-katerena ny firenena. Natao daholo izay hevitra nivoahana anatin’ny kirizy. Ny zavatra tsy azo hodian-tsy fantatra dia sady niaina anaty fahoriana sy zohindalana mikitroka ny vahoaka, no mbola naneho fandeferana maro lehibe manoloana ny vahaolana izay nolazaina fa hamaha ny olana politika.