US Embassy Madagascar:Fanambarana mikasika ny fikasan-dRtoa Lalao Ravalomanana hody eto Madagasikara

US Embassy Madagascar

Fanambarana mikasika ny fikasan-dRtoa Lalao Ravalomanana hody eto Madagasikara
Tohananay hatrany ny ezaka rehetra ataon’ny Communauté de Développement de l’Afrique Australe (SADC) amin’ny fijoroana ho mpanelanelana amin’ny fitadiavana vahaolana amin’ny krizy politika eto Madagasikara. Tianay marihina fa voalaza ao amin’ny Tondrozotran’ny SADC hoe “mody tsy misy fepetra ireo mialokaloka any ivelany.” Tokony hataon’ny mpitondra ara-politika eto amin’ny firenena izay hizorana mankany amin’ny fifidianana malalaka, ara-drariny ary eken’ny fianakaviana iraisam-pirenena mba hamerenana ny fitondrana demokratika eto Madagasikara. Manainga ny mpandry anjara rehetra izahay mba hanaja ny andraikitra tandrify azy araka ny voalazan’ny lalàna iraisam-pirenena, indrindra ny mahakasika ny zon’olombelona sy ny fanjakana tan-dalàna.

https://www.facebook.com/usembassy.madagascar

Statement by the United States Embassy on Freedom of Expression & Assembly - Fanambarana avy amin’ny Masoivoho Amerikana

The United States is troubled by the violent suppression of a political demonstration by the de facto regime and security forces loyal to them. The roadmap and international human rights treatises enshrine the freedom of expression and the freedom of assembly, including political dissent, as fundamental rights of any citizen. Similar such incidents were noted in our Human Rights Report last year. We remain concerned by the climate of fear, intimidation, and violence which has continued to increase as a result of the current political crisis. We remind all political factions to respect fundamental human rights - including the freedom of expression and the freedom of assembly- as protected under Malagasy and International law.

Fanambarana avy amin’ny Masoivoho Amerikana mikasika ny fahalalahan’ny fanehoan-kevitra sy ny fivoriana

Manahiran-tsaina an’i Etazonia ny herisetra nampiasain’ireo mpihazona ny fahefana ankehitriny sy ny mpitandro filaminana mpiara-dia aminy ho fandravana fihetsiketsehana ara-politika. Na ny tondrozotra na ny lalàna iraisam-pirenena anefa dia manindrahindra ny fahalalahan’ny fanehoan-kevitra sy ny fahalalahan’ny fivoriana, anisan’izany ny fanehoana tsy fitovian-kevitra ara-politika, ho zo fototra ananan’ny olom-pirenena tsy an-kanavaka. Efa nisy tranga mampahalahelo toa izany nomarihinay tao anatin’ny Tatitra mikasika ny Zon’olombelona tamin’ny taon-dasa. Mampanahy anay hatrany ny rahon’ny tahotra, fandrahonana ary herisetra mitatao sady vao mainka miavosa vokatry ny disadisa politika ankehitriny. Satrinay ny hampahatsiahy hatrany ny ankolafy politika rehetra mikasika ny tokony hanajana hatrany ny zon’olombelona fototra – anisan’izany ny fahalalahan’ny fanehoan-kevitra sy ny fahalalahan’ny fivoriana – izay arovan’ny lalàna manan-kery eto Madagasikara sy ny lalàna iraisam-pirenena rahateo.
US Embassy Madagascar

Madagasikara:Tatitra momba ny Zon'olombelona 2010 - Rapport sur les Droits de l’Homme, en intégralité 2010

TATRITRA AMIN'NY TENY MALAGASY

Madagasikara, izay ahitana mponina maherin’ny 20 tapitrisa, dia ahitana mpitondra sivily sady tsy voafidy no tsy ara-dalàna izay naka ny fitondrana rehefa nampian’ny tafika tamin’ny fanonganam-panjakana nitranga ny volana Martsa 2009. Nosaloran’i Andry Nirina Rajoelina ny anarana hoe Filohan’ny Tetezamita, izy no nitarika ilay vondrona mpanao politika samihafa tao amin’ny antoko mpanohitra teo aloha, ary mikasa hitana izany toerana izany izy mandra-pahavitan’izay fifidianana hisy eo.

Hatramin’ny nitrangan’ilay fanonganam-panjakana dia nialokaloka any ivelany ny Filoha teo aloha Marc Ravalomanana, izay voafidy tamin’ny fomba demokratika tamin’ny taona 2006; ary naato tamin’ny asany ny antenimiera. Tsy narahan’ny fitondrana ny fifanarahana niaraha-nikaon-doha tamin’ny Firaisam-be Afrikana sy ny antoko politika eto an-toerana, ka tsy najorony ny fitondrana teteza-mita tokony hiandraikitra ny fifidianana malalaka sy tsy misy teritery hahazoana fitondrana ara-dalàna.