Fodian'ny Filoha Marc Ravalomanana: Inona?, iza tokoa no tena sakana?

Hafa ihany ny Filoham-pirenena tena mamim-bahoaka!

Miharihary toy ny vay an-kandrina ankehitriny ny fihatsaram-belatsihin’ireto milaza azy fa mpitondra.Tsy takona afenina ny fiheveran’izy ireo ny vahoaka Malagasy ho toy ny zaza kely sy bado nanomboka tany amin’ny fanonganam-panjakàna 2009 ka hatramin’ny fifidianana filoham-pirenena farany teo izay nametrahana an’Ingahy Rajaonarimampianina ary mandraka ankehitriny.

26 jona : Tsingerintaonan’ny fahaleovantenan’i Madagasikara !

Ny fanontaniana mipetraka ankehitriny manodidina ny fankalazana ny 26 jiona ity amin’izao taoa 2014 izao indrindra indrindra, dia ny hoe “mahaleo tena tokoa ve i Madagasikara ka mendrika ny hankalazana izany” ? Inona tokoa no tokony hiravoravoan’ny Malagasy amin’izao andro izao ? 

Ampy izay: Sahia, Mijoroa, reseo ny tahotra!

Sahia ry Malagasy...Ny firaisan-kina no hery!

Taona 5 izay no nihodina nampisehoan’ireto mpanongam-panjakana ny fahaizany nandetika ny firenena sy ny fiainam-bahoaka tanatin’ny kizo lalina. Ankehitriny dia mbola mitohy ny fanadalàna ny saimbahoaka.

Fitadiavana tombotsoa manokana, fametrahana ny kolikoly ho fomba fiasa sy fiady politika no imasoan’ny mpanao politika ankehitriny. Moa misy miraharaha izay manjo ny vahoaka ankehitriny, vahoaka izay norobain-tsafidy hatrany amboalohany ? Hanao ahoana ny ho avinao ? Jereo ny lasa dia araho ny zava-misy ankehitriny hibanjinanao ny ho avy !

Mifohaza ry Malagasy! Adidy sy mariky ny fitiavan-tanindrazana ny mitadidy ny tantara

Nivadika hatramin'ny sainam-pirenena...

Ny lasa tsy fanadino mba hibanjinana ny ho avy , ary ny tsy fanadinoana ny tantara dia efa anjara birika lehibe iray hampandrosoanao ny Firenenao sy mariky ny fitiavanao azy.

Zovy no tsy vaky fo, iza no tsy malahelo, ary tsy vitsy no mitomany mahita ny faharavàna sy fahapotehana ary zava-doza mahazo ny Tanindrazana ankehitriny.

28 martsa 2009 - 28 martsa 2013 :Mitohy ny tolona ataon'ireo vahoaka mpanohana ny filoha Marc Ravalomanana

Vahoaka analiny maro tsy manaiky ny fanonganam-panjakàna...

Anisan’ny daty manan-tantara sy manamarika ny fiandohan’ny tolona nataon’ny vahoaka manohitra ny fanonganam-panjakàna nataon-dRajoelina sy ireo miaramilany ny 28 mantsa.

Raha tsiahivina tokoa ny zava-nisy dia vahoaka alin-kisa nian-dahy sy niam-bavy no vory teo Ambohijatovo tamin’io andro io mba haneho amin’izao tontolo izao fa tsy ara-dalàna ary tsy eken’ny Malagasy ny habibiana sy fampiasan-kery nataon-dRajoelina tamin’ny fangalaram-pahefàna nataony.

Andro vitsy tao alohan’io daty io no nisora-tena ho filoha tao Mahamasina i Andry Rajoelina rehefa avy nanongana ny Filoham-pirenena ara-dalàna Marc Ravalomanana izay voafidim-bahoaka  in-droa nisesy teto amin’ny Firenena.

Mifohaza ry Malagasy !Arovy ny safidinao

Raha tsy mitandrina sy tsy mailo ny Malagasy dia ho voasoloky sy ho voahosihosy zo toy izay nitranga nandritra ny fanonganam-panjakàna ny taona 2009 indray.Izay no azo ambara manoloana ny fifidianana mifono fitaka sy fandrika miandry azy ireo afaka volana vitsivitsy.

Potika ny firenena:Tompon’andraikitra ny miaramila

Efa-taona lasa izay no nisian’ny fanonganam-panjakana teto Madagasikara ka nahatonga izao krizy nanapotika sy nanimba zavatra maro eto amin’ny firenena izao, ary namoizana ain’olona, nandratra sy nampitondra takaitra mandra-maty ho an’ny mpiray tanindrazana maro.

Lainga sy fahantràna manara-penitr'i Rajoelina!Mbola misy mino ihany ve?

Tsy nataotao foana ilay ohabolan-drazana manao hoe « Aleo mifanena amin’ny mpamosavy toy izay mifanena amin’ny mpanadainga ».Ary dia vao maika manamarina tanteraka io teny mifono fahendrena io ny zava-doza iainan’ny vahoaka Malagasy sy ny Firenena ankehitriny.

Tetezamitata: Bizinesy, Fampihorohoroana, Herisetra...

 

Rehefa sady ny mpangalatra ihany no mpitsara,ny polisy ihany no vôlera,ny mpitondra ihany no mafia…ary Remenabingo ihany no Remenabila dia aza gaga mihitsy isika vahoaka raha toa ka ny mpangalatra sy mpanao ratsy indray no mandeha mitory manao gisa lahy mangala-ketsa sy mamo miantso polisy eto amin’ny Firenena.

Mba niandry ny rehetra tamin’ny ampamoaka goavana sy fitoriana nataon’ny Filoha teo aloha Pr Zafy Albert mikasika ny fangalarana sy fanondranana antsokosoko ny harem-pirenena “Bois de rose” ataon’ny lehiben’ny  fitondrana TETEZAMITATRA ankehitriny sy ny ekipany saingy araka ny efa mahazatra sy nampoizin’ny maro dia tsy taitra ary tsy rototra akory ramatoa minisitry ny fitsaran-dRajoelina namaly izany hoe  tsy azo raisina ny fitoriana noho ny antony izay izy irery ihany no mahalala azy ary dia vita hatreo ny resaka.

Mifohaza ry Malagasy mba tsy hanenenanao !

Tafi-bahoaka sa mpanafi-bahoaka?

Homamiadan'ny tetezamitatra: Mikiky sy mamono tsikelikely ny Malagasy sy ny toe-kareny ary ny harem-pireneny (vatosoa,hazo,biby,kolo-tsaina...).

Vao niandoha fotsiny ny fanonganam-panjakàna dia efa AFO,BASY,Rà,AINA LATSAKA...no nisantaran-dRajoelina sy ny forongony ny fahefàna sandoka azony tamin-kery.

Mihazakazaka ny fotoana,ary efa ho telo taona mahery sahady izay no nahatafiditra an'i Madagasikara tao anaty fahantràna lalina sy tsy fandriam-pahalemana ary horohoro isan'andro.

-Riapaka ny Andramena (BOIS DE ROSE),may sy nikatona ny ORINASA maro namelona fianakaviana an'alin-kisa,kila forehitra sy nihidy avokoa ny haino aman-jery maro manerana ny Nosy,(Raha ny vaovao farany dia mahery ny 8O ny isan'ireo haino aman-jery nakaton'ny fitondran-dRajoelina manerana ny Nosy)

Fampahantràna sy fandrobàna manara-penitra : Jirama, AirMad,Tiko,…

Mandalo krizy ekonomika goavana izao tontolo izao ankehitriny ary tsy misy afa-bela amin’izany ireo firenen-dehibe sy matanjaka fa mihorohoro sy tsy tafandry mandry daholo mitady hevitra andro aman’alina mba hiadiana amin’izany.

Vokatr’izany krizy ekonomika izany dia orinasa am-polony maro no efa nikatona indrindra any Eropa (France,Espagne,Portugal,Grèce,…) ary mpiasa an’hetsiny maro no voatery very asa tsy fidiny.

Manoloana izany anefa dia tsy mipetra-potsiny ireo mpitondra any amin’ireo Firenena ireo fa mitady ny hevitra sy fomba rehetra mba hiatrehana io krizy goavana io ary indrindra mivaky loha mafy andro aman’alina sy mandoa-danitra mihitsy aza mba hitazomana sy hiarovana ireo Orinasa mba tsy hikatona sy hisorohana ny fahaverezan’asan’ireo mponina ao aminy.

Lasa namorona politika manokana mba hiarovana ny orinasany sy ny mpiasany mihitsy ireo Firenen-dehibe ireo. Raha tsy hitanisa afa-tsy Lafrantsa ohatra dia lasa nisy minisitera manokana mikarakara sy manampy ary miaro ny orinasa sy ny mpiasa mba hiatrehana ny krizy.

Madagasikara: Fifidianana ara-demokratika hoe?

Nanao fialan-tsiny tamin’ny Malagasy ny Filoha Ravalomanana tamin’izay mety ho fahadisoana vitany ka niteraka ny krizy misy ankehitriny.Maro ny nandray izany fihetsika izany ho mahate hidera sy mendrika indrindra manoloana ny fikatsahana fitoniana mba hanjaka eto amin’ny Firenena mialohan’ny fifidianana izay andrandrain’ny rehetra mba hivoahana amin’ny olana goavana mahazo an'i Madagasikara ankehitriny.

hafa dia hafa anefa ny fomba fijerin’ny mpomba sy mpanohana an’i Andry Rajoelina an'izany.Nanambara mantsy Rtoa Lanto Rakotomavo ,izay anisan’ny mpitarika ao amin’ny antoko TGV fa tara loatra hono ny fifonan-dRavalomanana.Ary Andriamanitra hono no mety hamela ny helony fa ny Malagasy kosa tsy hamela azy.

Rtoa Lanto Rakotomavo

Jean Constant Raveloson :« Forfait d’office ny mpanongam-panjakana »

«Lohany samy misy, ditra samy misy. Raha io ataon-dRajoelina io, dia izy mihitsy no mampirisika antsika hitady fomba hafa hitolomana. Na taiza na taiza teto ambonin’ny tany dia “forfait d’office” amin’ny fifidianana ny mpanongam-panjakana koa ianao nandeferana indray no be vava», hoy i Constant Raveloson avy amin’ny MFM omaly raha nandaha-teny tao amin’ny kianjan’ny Magro nanoloana ny tenin’ny filohan’ny FAT nialoha ny niaingany ho any Seychelles ny talata 07 aogositra teo.

Telo taona taty aoriana, hoy ity mpanao politika ity, dia mbola toy ilay kabary teny amin’ny Kianjan’ny 13 mey ihany no natao kanefa efa nahazo an’Ambohitsorohitra. Raha ny tenin’i Andry Rajoelina, dia toy ny mbola hanongam-panjakana indray no foto-diany any Seychelles fa tsy hifampiraharaha. Fanontaniana moa no napetrak’i Constant Raveloson ny amin’izay tena nalehan’i Andry Rajoelina tany raha ireny no fomba firesany. Momba ny resaka datim-pifidianana indray dia nambaran’ity mpikambana ao amin’ny Kongresin’ny tetezamita ity fa nazava ny tenin’ny fianakaviambe iraisam-pirenena fa miankina indrindra amin’ny filaminana sy fitoniana politika ny hitazonana ny datim-pifidianana na tsia, ny famatsiana ara-bola izany na tsia.

Profesora Ranjeva Raymond:“Tokony hivoaka ny marina rehetra”

Pr Ranjeva Raymond

Nisy ny resaka nifanaovana tamin’ny Pr Ranjeva Raymond amin’izao ankatoky ny hanatanterahana ny fihaonan’Atoa isany Marc Ravalomanana sy Andry Rajoelina araka ny tapaky ny SADC nandritra ny fivoriana tsy ara-potoana nataony tany Luanda ny 31 mey sy 01 jona 2012. Nitondra ny heviny mikasika ny fitarazohan’ny krizy izy, ary nandroso vahaolana hivoahana amin’izany. Tafa sy dinika.  

Tia Tanindrazana (T.T) : Telo taona izao no nilazana fa misy ny krizy ary antitranterina fa mihombo io krizy io. Nandramana daholo ny vahaolana rehetra hamahana azy. Fa krizy inona marina no miseho eto fa toa samy manana ny fandraisany azy ny Olom-pirenena ?

Pr Ranjeva Raymond (R.R) : Mizara roa ny fisehon’ny krizy, araka ny famakafakana azy. Eo aloha ny tsy fisian’ny filaminana eo amin’ny tontolon’ny asa, indrindra ny tsy fisian’ny asa, eo ny fahasahiranana amin’ny fahasalamana, ny fampianarana sy ny fanabeazana, satria potika ny fikarakarana azy ireo ary zara raha nisy ny fiahiana ara-tsosialin’ny mponina nandritra izay telo taona izay. Ireo fitakiana sendikaly samihafa miseho ankehitriny dia maneho izany tanteraka. Manaraka izany, ny tsy fisian’ny fandriampahalemana dia mampahatahotra sy mampiraviravy tanana ny mponina mpamokatra na an-tanàn-dehibe na ambanivohitra. Tsy voafehy ny asan-dahalo izay miendrika fikomiana mihitsy ka mihanaka tsikelikely, ary mety handrava haingana ny firenena. 

Ankoatra izay moa dia mampihombo ny krizy ny tsy fisian’ny vola ampiasain’ny olona te hiavo-tena, koa izany no mampijaly ny vahoaka tao anatin’izay telo taona izay ary mila fanafodiny maika.
Ny fanonganam-panjakana niseho teto Madagasikara no fototry ny krizy. Ary tsy misy tsy miaiky izany, afa-tsy izay te hikimpy maso. Izany no mahatonga ny olom-pirenena tsy hanaja ny mpitondra sy ny lalàna, izany no mahavaky ny fianakaviana sy mandrava ny fihavanana. Tapaka ny famatsiam-bola avy any ivelany nefa tsy manana handoavana hetra na ny olom-pirenena na ny orinasa eto an-toerana. Fandaniam-poana tsy misy fehiny no hita. Ny vola ampidirin’ny fitondrana eto tsy ampy. Potika tanteraka ny fiarahamonina. Very ny hasina sy ny soatoavina ara-moraly sy ara-pinoana, ka ny fifampiahiahiana sy ny fifankahalana no manjaka.

Dahalo sa FATn-dahalo?

Dahalo sa FATn-dahalo...???

Vono afo, sarimihetsika!!!Samia mailo ry Malagasy!!!Dizina sy fanin'ny fahantràna tanteraka Ramalagasy ankehitriny ka tsy mahita izay lala-kombàna sy vaovao marina tokony hinoana intsony. Etsy andaniny ny fitondràna TETEZAMIHISATRA mahay manararaotra tsara izany fahaleman-dRamalagasy izany ka mihezaka amin'ny fomba rehetra mamono ny afo izay manomboka mahazo rehitra mandoro ilay fitondràna tsy mari-pototra (mba tsy hilazàna hoe sandoka sy tsy ara-dalàna).Vao niandoha ny fanonganam-panjakàna dia herisetra, fafy lainga, fanaratsiana (diabolisation), basy,miaramila, vono olona sy rà latsaka no nanombohan-dRajoelina sy ny forongony azy.

Fanambaràna nataon'ireo manamboninahitry ny tafika misotro ronono

FANAMBARANA

Manoloana ny zavanisy mikasika ny fihetsiketsehana nataon’ny vahoaka ho fanehoan-kevitra teto amin’ny firenena nandritra izao krizy izao, dia tsy hainay Manamboninahitra Jeneraly sy Manamboninahitra ambony misotro ronono, nivory teny Ankerana ny volana Mey 2010 ny hangina koa manao izao fanambarana izao izahay :

28 Mars 2009 - 28 Mars 2017: Valo taona anaty haizina i Madagasikara (VIDEO+SARY)

Razily sy ny Sainam-pirenena malagasy

Fampiasan-kery sy fomba feno habibiana no nanonganan-dRajoelina sy ny andia-miaramilany ny fitondran’ny Filoha Marc Ravalomanana telo taona lasa izay (valo taona). Telo taona (valo taona) aty aoriana dia mbola tsy maty ao am-pon’ny Malagasy ny fitiavana sy fanohanana ity Filoham-pirenena izay voafidim-bahoaka in-droa nisesy teto amin'ny Firenena ity na dia tsy nitsahatra aza ny fanaratsiana sy filazàna lainga ary fanenjehana azy nataon’ireo mpanongam-panjakàna sy ny fitondràna ankehitriny.

Voatso-dranon’ny reny malalany tamin’ny fomba ofisialy ny governorany eto Madagasikara

Amin’ny alahelo lehibe no hilazana amitsika Malagasy mbola saro-piaro amin’ny fitiavan-tanindrazana sy mahatsiaro tena ho tompon’andraikitra eto amin’ny Tany sy ny Firenena fa voatso-dranon’ny reny malalany tamin’ny fomba ofisialy omaly tany Parisy ny governora mpanongam-panjakàna frantsay vaovao eto Madagasikara Andry tgv. Telo taona aty aorian’ny fiaraha-miasa matotry ny roa tonta tamin’ny fanonganana ny Filoham-pirenena Malagasy voafidim-bahoaka farany teto Madagasikara dia izao noraisin’ingahy Sarkozy filoham-pirenena frantsay amin’ny fomba manetriketrika izao ingahy Andry tgv rehefa avy nahatanteraka ny anjara andraikiny amin’ny maha mpanongam-panjakàna azy.

Tsy niandry ela fa dia nihazakazahana natao sonia io omaly io ihany koa ny fifanarahana ara-barotra teo amin’ny Firenena roa tonta toy ny mahazatra an’i lafrantsa amin’ireo Firenena eo ambany vahohony manerana an’i Afrika.

Raharaha 07 Febroary: Fitsaràna tsy mahazaka fahamarinana

Maro ireo olona tonga nanohana azy telo mirahalahy dia ny Jeneraly Raoelina sy ny Kolonely Djadifar ary ny Kolonely Andriamihoatra teny Anosy, izay nohelohin'ny fitsaràna Fat tamin’ny volana aogositra 2010, hiasa anterivozona mandrapahafaty, tamin’ny fitsarana izay tsy natrehin’ireto voapanga ho tompon'andraikitry ny raharaha 7 febroary 2009.(...) HAMAKY NY TOHINY

RAPPORT DU GÉNÉRAL RAOELINA SUR L'AFFAIRE DU 07 FÉVRIER 2009

Chronologie des faits Affaires 26-Janvier 07-Février 17-Mars 2009 par Colonel Charles

Enquête sur le 7 février 2009

GTT - Antso avo : Hetsika 5 Febroary - Paris

Roa taona izao, manohy ny asany ny mpandroba fahefana sy ny mpivarotra tanindrazana : famonoana ny Malagasy, fanapenam-bava ny Malagasy, fampidirana amponja tsy amin'antony, fanaovana herisetra sy horohoro, fanitsakitsahana ny zo maha olombelona sy ny hasin'ny firenena ary ny demokrasia.